السلام عليكم
مقحم النجدي الصقري العنزي يقول وتعبتر القصيده من نوادر الشعر
والصراحه اللي يقراها يلقى فيها من جمال الابيات الكثر
ما اطول عليكم
يقول :
يامزنة غـرا مـن الوسـم مبـدار
اللـي جذبنـا مـن بعيـد رفيفـه
ترعى بها وضحا من الذود معطار
غبوقـة الخطـار عجـل عطيفـه
ترعى بها قطعاننـا سـر وجهـار
من دونهم نروي الغلب والرهيفـة
يرعـن بالله ثـم مشعـل وصقـار
خيالـة يـوم المـلاقـا عنيـفـه
يرعن من الجوبه الي خشم سنجار
يرعن احـدود محقبـة والحتيفـه
ماهي بهرجة مهلق عقـب مانـار
اللي نكس وأطراف رمحه نظيفـه
يبنـي عليهـا بنيـة البـن لجـدار
عقب الضعف راحت ردوم امنيفـه
يالله يالمولى تعـاون أهـل الكـار
وتحـل شطـات عليهـم كليـفـه
حنا ومع ذلك لـك الله لنـا كـار
عن جارنا مايوم نخفـي الطريفـه
نرفا خماله رفيـة العـش بالغـار
ونودع له النفس القويـة ضعيفـه
باغي الى مالجار عن دارنا سـار
وكـل تذكـر دار حيـه وليـفـه
أحد على جـاره بختـري ونـوار
وأحد على جـاره صفـاة محيفـه
خطو الولد مثل النداوي اليا طـار
صيده سمـان مايصيـد الضعيفـه
وخطو الولد مثل البليهي اليا ثـار
زود على حمله نقل حمـل اليفـه
وخطو الولد ينصب على موتة النار
صفر علـى عـود تضبـه كتيفـه
الخميس سبتمبر 03, 2009 8:04 pm
